OmegaT.md

Istruzzioni per impiegà OmegaT per a traduzzione di GeneWeb

Per fà una traduzzione, l'appiecazione OmegaT hà bisognu di schedarii di fonte cù una lingua sfarente di quella di destinazione. Di regula, a lingua di fonte hè l’inglese è quella di destinazione hè u corsu. D’altronde tutte e memorie di traduzzione pruviste nant’à stu situ sò in u sensu da l’inglese ver di u corsu.

Eccu l’istruzzioni per scaricà l’ultima versione di u schedariu di traduzzione è appruntallu per un trattamentu cù l’appiecazione OmegaT.

Scaricamentu di u schedariu à traduce

• Si pò scaricà u schedariu di traduzzione chì cuntene tutte e lingue da quì :
  https://github.com/geneweb/geneweb/blob/master/hd/lang/lexicon.txt

Preparazione di u schedariu nanzu a traduzzione

• Ci vole à trasfurmà u so cuntenutu per cunservà solu e catene in inglese qu’ellu ci vole à traduce.
• Seguitate l’istruzzioni per l’adopru d’una prucedura per fà sta trasfurmazione.

Copia di i schedarii di lingua inglese

• Cupià o dispiazzà u schedariu trasfurmatu omegat_lexicon.txt in u cartulare source di u prughjettu GeneWeb in OmegaT.

Ozzione o preferenze particulare à definisce in OmegaT

• Lancià l’appiecazione OmegaT
• Sceglie Ozzioni eppò Filtri di schedariu…
  • Verificà l’ozzione di u furmatu Testu : Taglià u testu d’origine per fà paragrafi :
    • À ogni linea

Traduzzione in lingua corsa

• Lancià l’appiecazione OmegaT è apre stu prughjettu per traducelu.

Preparazione di u schedariu dopu a traduzzione

• À st’ora, a ricustruzione di u schedariu di traduzzione lexicon.txt hè un’operazione manuale

• Ma si pò quantunque appruntà u schedariu omegat_lexicon.txt grazia à Notepad++ per aghjunghje a catena co: in capu d’ogni linea. Què si pò fà cù una cumanda di rimpiazzamentu impieghendu st’ozzioni :

  • Cosa à circà : ^
  • Rimpiazzà cù : co: \1
  • Modu di ricerca : Spressione regulare
  • Cliccu nant’à u buttone Rimpiazzalle tutte

Incaricamentu di u schedariu di traduzzione

• Quandu u schedariu lexicon.txt hè ricustruitu cù tutte e traduzzioni in lingua corsa, ci vole à creà una richiesta Pull Request nant’à GitHub per dumandà a so mudificazione in u dipositu.