OmegaT.md

Istruzzioni per impiegà OmegaT per a traduzzione di PDFCreator

Per fà una traduzzione, l'appiecazione OmegaT hà bisognu di schedarii di fonte cù una lingua sfarente di quella di destinazione. Di regula, a lingua di fonte hè l’inglese è quella di destinazione hè u corsu. D’altronde tutte e memorie di traduzzione pruviste nant’à stu situ sò in u sensu da l’inglese ver di u corsu.

Eccu l’istruzzioni per scaricà l’ultima versione di i schedarii di traduzzione è appruntalli per un trattamentu cù l’appiecazione OmegaT.

Scaricamentu di i schedarii à traduce

• Si pò scaricà i schedarii da sta lista di prughjetti :
  https://translate.pdfforge.org/languages/co_FR/

• Per ogni prughjettu, ci vole à selezziunà un cumpunente nant’à a lista di i cumpunenti di u prughjettu

• Tandu, per ogni cumpunente, ci vole à selezziunallu, è cliccà nant’à Fichiers eppò Télécharger le fichier de traduction d’origine (Fichier PO Gettext).

• Osinnò eccu l'indirizzi per scaricà direttamente tutti i schedarii di lingua :

  • Messages https://translate.pdfforge.org/download/pdfcreator/messages/co_FR/
  • Setup https://translate.pdfforge.org/download/pdfcreator/setup/co_FR/
  • Frontend https://translate.pdfforge.org/download/pdfcreator-online/frontend/co_FR/

Preparazione di i schedarii nanzu a traduzzione

I schedarii scaricati sò in lingua corsa, vole si dì ch’elli cuntenenu tutte e catene in lingua inglese è e so traduzzioni in lingua corsa. Eccu l’istruzzioni per fane una versione di fonte in lingua inglese.

• Lancià Poedit
• Sceglie l’ozzione Schedariu > Apre… o selezziunà l’azzione Navigazione nant’à u screnu di benvenuta
• Selezziunà u schedariu .po scaricatu
• Selezziunà tutte e catene cù a cumanda Ctrl-A o cù l’ozzione Mudificà > Tuttu selezziunà
• Viutà u cuntenutu di e catene cù a cumanda Ctrl-K o cù l’ozzione Mudificà > Viutà a traduzzione
• Arregistrà u schedariu cù u so nome :
  • pdfcreator-messages-co_FR.po
  • pdfcreator-setup-co_FR.po
  • pdfcreator-online-frontend-co_FR.po

Copia di i schedarii di lingua inglese

• Cupià o dispiazzà sti schedarii in u cartulare source di u prughjettu PDFCreator in OmegaT.

Ozzione o preferenze particulare à definisce in OmegaT

• Lancià l’appiecazione OmegaT
• Sceglie Ozzioni eppò Filtri di schedariu…
  • Verificà l’ozzioni di u furmatu PO :
    • Permette e traduzzioni viote in i schedarii tradutti
    • Permette a traduzzione di i segmenti d’origine vioti
    • Ignurà l’intestatura di i schedarii PO
    • Rimpiazzà autumaticamente « {nplurals=INTEGER; &plural=EXPRESSION;} » in l’intestatura
Furmatu : ⚫ Classicu ⚪ Monolinguale

Traduzzione in lingua corsa

• Lancià l’appiecazione OmegaT è apre stu prughjettu per traducelu.

Preparazione di i schedarii dopu a traduzzione

✔️ Ùn ci hè alcunu approntu à fà à u schedariu di lingua corsa.

Incaricamentu di i schedarii di lingua corsa

Dopu a traduzzione, ci vole à impiegà pdfforge translate cù l’ozzione Fichiers eppò Téleverser la traduction per rinfrescà i schedarii di traduzzione cù quelli schedarii tradutti da OmegaT chì si trovanu in u cartulare target di u prughjettu PDFCreator :

• pdfcreator-messages-co_FR.po
• pdfcreator-setup-co_FR.po
• pdfcreator-online-frontend-co_FR.po